Logo Түз эфир

Маданият жаңылыктары

7 , Нояб, 8:13 2147

Кыргызстанда Тарых жана ата-бабаларды эскерүү күнү белгиленүүдө

image

Кыргызстанда Тарых жана ата-бабаларды эскерүү күндөрү белгиленүүдө. Анын алкагында президент Алмазбек Атамбаев бүгүн “Ата-Бейит” Улуттук тарыхый-мемориалдык комплексине барып, 1916-жылдагы каргашалуу окуяларда курман болгондордун мемориалына, саясий репрессиялардын курмандыктарынын эстелик-мемориалына, ошондой эле Чыңгыз Айтматовдун көрүстөнүнө гүл койду.

Эскерүү иш-чараларында өлкө башчыны жаңы шайланган президент Сооронбая Жээнбеков, Жогорку Кеңештин төрагасы Дастан Жумабеков, Премьер-министр Сапар Исаков жана Жогорку соттун төрайымы Айнаш Токбаева коштоп жүрүштү. Алар 2010-жылдагы Апрель элдик революциясынын баатырларынын эстелигине барып, куран окутушту. 

Андан соң, Бишкектеги Жеңиш аянтында болуп, 1941-1945-жылдардагы Улуу Ата Мекендик согуштун ардагерлеринин жана оруктун эмгекчилеринин элесин эскерип, Түбөлүк отко гүл коюшту. Тарых жана ата-бабаларды эскерүү күнүнө арналган, анын ичинде Кыргызстандын калыптануусундагы жана өнүгүүсүндөгү тарыхый инсандардын ролуна байланыштуу тиешелүү иш чаралар өлкөбүздүн бардык аймактарында облустардын жана райондордун жетекчилеринин катышуусунда өткөрүлүүдө.







Эгерде ката тапсаңыз, текстти белгилеп Ctrl+Enter басыңыз

Көп окулууда