http://ktrkdev.ktrk.kg/Эки жаштагы сабалган кыз чарчап калды

Эки жаштагы сабалган кыз чарчап калды

21 Май , 11:26 524

Эгерде текстте ката тапсаңыз, белгилеп Ctrl+Enter басыңыз

Жалал-Абад облусундагы Сузак районунан эки жаштагы кыз эсине келбей чарчап калды. Бул тууралуу «Балдардын укугун коргоо» коомдук уюмунан кабарлашты. Ал сабалып, денесиндеги көк ала тактар менен оор абалда ооруканага түшкөн болчу.

Жалал-Абад облустук милициясы маалыматты тастыктап, кыздын апасы арыз жазганын айтышты. Ал кызын сабады деп чоң апасынан шекшип жатканын билдирген. Ал эми чоң апасы тепкичтен кулап кеткендигин айтууда. Бул факты кылмыштардын жана жоруктардын бирдиктүү реестрине катталган.

Учурда сотко чейинки териштирүү иштери жүрүүдө. 7-майда Жалал-Абад облустук ооруканасынын жандандыруу бөлүмүнө «Тез жардам» кызматы менен 2 жашар кыз оор абалда келип түшкөн. Анын денесинде көк ала тактар болгон. Ага дарыгерлер баш мээнин жабык жаракаты деген диагноз коюп, мээси чайкалганын, шишик да бар экенин айтышкан. Апасы кызын таенесине таштап, өзү Орусияга иштегени кеткендиги буга чейин маалым болгон.


Новости по дате