http://ktrkdev.ktrk.kg/Имамдар кыйган нике каттоого алынат

Имамдар кыйган нике каттоого алынат

13 Июнь , 13:27 588

Эгерде текстте ката тапсаңыз, белгилеп Ctrl+Enter басыңыз

Кыргызстандын имамдары баш кошкон жубайларга нике кыйса мындан ары нике каттоо журналына жазууга милдеттүү болот. Муфтий Максатбек Токтомушев 12-июнда Бишкек жана Чүй облусундагы имамдарга нике каттоо журналдарын тапшырды. Муфтий шарияттык никени катташ үчүн дин кызматкерлери үйлөнүп жаткандардын паспортун талап кылып, 18 жашка толгондорго гана нике кыя аларын эскертти:

- Эки жыл мурда мыйзам кабыл алынган. Имамдарга 18 жашка чыга электерди билбей никесин кыйып коюп, камалып кетпесин деп эскертүү берилген. Биз да силерге ошол талапты буйрук иретинде жеткиргенбиз - деди Максатбек Токтомушев. Журналдын негизинде квартал сайын муфтиятка катталган нике тууралуу отчет берилип турат.

3 миң нуска менен басылып чыккан журналдар 12-июндан 3-июлга чейин Кыргызстандын бардык аймактарындагы имамдарга окутуу иштери жүргүзүлгөндөн кийин тапшырылат.


Новости по дате